देशमा राज्य पुनर्सरचना पछि बनेको अधिकार सम्पन्न बलियो स्थानीय तहको पहिलो पटक भएको निर्वाचनमा सूर्यविनायक नगरपालिकामा नेकपा एमालेको तर्फबाट बासुदेव थापा निर्वाचीत हुनुभयो । पहिलो पटक निर्वाचीत हुनु भएपछि नगर प्रमुख थापाको नेतृत्वमा पहिलो कार्यकालमा सूर्यविनायक नगरपालिकामा बलियो जग बसाल्ने कार्य भयो ।
विशेष गरि निर्वाचीत भएपछि सबैको साझा ब्यक्तीत्वको रुपमा आफ्ना काम कारवाहीलाई अगाड बढाउनु भएको मेयर थापाले पहिलो कार्यकालको पाँच वर्षमा भौतीक पूर्वाधारमा ठूलो फड्कै मार्न सफल हुनुभयो ।
दोस्रो पटक २०७९ सालमा भएको निर्वाचनमा पनि मेयर थापाले पहिलो कार्यकालमा गर्नु भएको राम्रा कामकै कारण सबैको रोजाईमा पर्नुभयो र पुनः विजयी हुनुभयो ।
दोस्रो कार्यकालमा निर्वाचीत भएपछि यसअघिका अधुरा योजना पूरा गर्दै नमूना र उदाहरणीय कार्य गर्दै अगाडि बढिरहनु भएको छ ।
संघीयता कार्यान्वयनमा आएपछि बनेको स्थानीय तह अन्तर्गत सूर्यविनायकमा दोस्रो कार्यकाल गरि हालसम्म आठ वर्ष नेतृत्व गरिसक्नु भएको छ । थापाको नेतृत्वमा हालसम्म १८९ औं कार्यापालिका बैठक र १८ औं अधिवेशन सर्वसम्मत पारित भएका छन् ।
त्यस्तै, नगरपालिका यो अवधिमा १५५ किलोमिटर पक्की नाली सहितको कालोपत्रे सडक, मोटरेबल पुल ४१ वटा, सडक बत्ती ६ हजार ५ सय वटा गरि सबै वडा केन्द्रहरु स्तरीय सडक संजालमा जोड समग्र दिगो पूर्वाधार विकासमा ठूलो फड्को मार्न सफल भएको छ ।
शिक्षा क्षेत्रमा पहिलो पटक सामुदायिक विद्यालयका प्रधानाध्यापक खुल्ला प्रतिस्पर्धाबाट नियुक्त गरि सबैलाई पाठ सिकाउनु भयो । नगरपालिकाले शूरु गरेको सो कार्यको देशका सबै स्थानीय तहमा लागू भयो । पछिल्लो दुई वर्षे समिक्षा गर्दा सामुदायिक विद्यालयमा शैक्षीक गुणस्तर अभिवृद्धि सँगै विद्यार्थी संख्या बढेको पाईएको छ ।
नगरभित्र सामुदायिक विद्यालयमा खुला प्रतिस्पर्धाबाट प्रधानाध्यापक नियुक्त भएपछि गुणस्तरमा सुधार भई विद्यार्थीको संख्या बढ्दो रहेको पाईएको हो ।
नगर प्रमुख थापा उपत्यका मेयर्स फोरमको उपाध्यक्ष पनि हुनुहन्छ । फोरमबाट समेत संस्थागत निर्णय भएपछि नेपाल सरकारले नै नीति तथा कार्यक्रममा नै समावेश गरेर देशैभर खुल्ला प्रतिस्पर्धाबाट प्रअ नियुक्त गर्ने कार्यको थालनी गरियो ।
नगर प्रमुख थापा दोस्रो कार्यकालमा निर्वाचीत हुनु भएको तीन वर्ष पूरा भएको छ । यस अवधिमा नगर प्रमुख थापाको नेतृत्वमा थुप्रै काम भएका छन् । नगर प्रमुख थापाले पछिल्लो समय शिक्षा, स्वास्थ्य र खानेपानीलाई प्राथमिकतामा राखेर अगाडि बढिरहनु भएको छ।
आधारभूत स्वास्थ्य सेवामा नागरिकको सहज र सुलभ पहुँचको लागि बिशेषज्ञ सुविधा सहितको नगर अस्पतालको सेवा विस्तार गर्ने कार्य गरिएको छ । नगर अस्पतालमा अपरेशन थ्रिएटर संचालन ल्याइएको छ । नगरपालिकाले आगामी आर्थिक वर्षको लागि बजेटको ठूलो हिंस्सा नगर अस्पतालको लागि छुट्याएको छ । आधारभूत स्वास्थ्य सेवामा नागरिकको सरल, सहज र सर्वसुलभ पहुँच सहित सुरक्षित मातृशिशुको सुनिश्चितताको लागि शल्यकृया सहितको प्रसुती सेवाको साथै विशेषज्ञ शल्य चिकित्सा सुविधासहित ५० शैप्याको नगर अस्पताल संचालनको लागि १७ करोड ९५ लाख बजेट छुट्याइएको हो ।
नगरपालिकाले वडा नंं १ देखि ६ सम्मका वडाबासीलाई मेलम्चीको खानेपानी वितरण गरी घरघरमा पुर्याउने कार्य भइरहेको छ । त्यस्तै, उक्त वडाहरुमा खानेपानीको सम्पूर्ण जिम्मा उपत्यका खानेपानी लिमिटेडलाई हस्तान्तरण गर्ने गरि अगाडि बढिएको छ । यसले नगरबासीलाई दिर्घकालीन रुपमा खानेपानीको समस्या समाधान गर्न सहयोग पुग्नेछ ।
त्यस्तै, भक्तपुरको जगातीमा साँघुरो कोठाबाट सेवा शुरु गरेको सूर्यविनायक नगरपालिका आफ्नै सुविधासम्पन्न नयाँ प्रशासकीय भवनमा सरेपछि सेवा सञ्चालन प्रभावकारी बन्दै गएको छ । यसले गर्दा नगरपालिकाको करोडौ रकम बचत भई अन्य विकास निर्माणमा लगानी गर्न सहयोग पुगेको छ ।
नगर प्रमुख थापा एमालेबाट निर्वाचित भएर आएपनि जनप्रतिनिधिका रूपमा काम गर्दै नगरबासीको साझा नेतृत्व गरिरहनु भएको छ ।
‘राजनीतिमा प्रतिस्पर्धा, विकास निर्माणमा ऐक्यबद्र्धता’ भन्ने नारालाई आत्मसाथ गर्दै निस्पक्ष ढंगले निर्णय गर्दै आउनु भएको मेयर थापा सिंगो जनप्रतिनिधि एकढिक्का भई अगाडि बढेकै नगरपालिकालाई सफलतापूर्वक हाँक्न सफल हुनु भएको हो । साथै उहाँले बाँकि कार्यकालमा अधुरा योजना पूरा गरेरै छाड्ने अठोट समेत गर्नु भएको छ ।
प्रकाशित | १७ असार २०८२, मंगलवार १८:४५
