जनकपुरधाम — मधेस प्रदेश सरकारले चालु आर्थिक वर्ष २०८२/८३ को नौ महिनामा पूँजीगत बजेटको अत्यन्त न्यून ९.०४ प्रतिशत मात्र खर्च गरेको छ, जुन निकै निराशाजनक देखिएको छ।
पूँजीगततर्फ विनियोजित ३० अर्ब ८६ करोड १७ लाख ३४ हजार रुपैयाँमध्ये हालसम्म २ अर्ब ७८ करोड ९१ लाख १० हजार १७९ रुपैयाँ मात्र खर्च भएको प्रदेश लेखा नियन्त्रक कार्यालय मधेस प्रदेशले जनाएको छ।
सूचना अधिकृत निरेन्द्रलाल कर्णका अनुसार मन्त्रालयगत रूपमा अर्थ मन्त्रालयले १९.०८ प्रतिशत बजेट खर्च गरेको छ भने खेलकुद तथा समाज कल्याण मन्त्रालयले सबैभन्दा न्यून ०.१४ प्रतिशत मात्र खर्च गरेको छ।
कम बजेट खर्चले प्रदेशको विकास निर्माण कार्य अपेक्षित गतिमा अघि नबढेको संकेत गरेको छ।
प्रकाशित | ६ बैशाख २०८३, आईतवार १३:२२
